“Солонгост суралцацгаая” боловсролын үзэсгэлэн боллоо

2020 оны 10 сарын 23

Энэ жил Монгол Улс болон БНСУ-н хооронд дипломат харилцаа тогтоосны 30 жилийн ой тохиож байгаа бөгөөд үүнтэй холбогдуулан “Солонгост сургууль төгсөгчдийн холбоо”-ноос (MAGIKO) БНСУ-ын Элчин сайдын яам, Олон улсын Боловсролыг дэмжих үндэсний хүрээлэнтэй хамтран “Солонгост суралцацгаая” боловсролын үзэсгэлэнг анх удаа онлайнаар энэ сарын 20-24-ний хооронд  МУИС-ийн Төв номын санд амжилттай зохион байгууллаа.

Дөрвөн өдөр үргэлжилж буй уг үзэсгэлэнд өнөөдөр БНСУ-аас Монгол Улсад суугаа Элчин сайд Ли Ё Хун, “Солонгост сургууль төгсөгчдийн холбоо” ТББ-ын тэргүүн С.Бат-Эрдэнэ болон бусад албаны хүмүүс оролцож, залуучуудтай санал бодол солилцлоо. Мөн БНСУ-ын 50 гаруй их, дээд сургуулиуд оролцож, 200 гаруй мэргэжлээр сургалтын   хөтөлбөрөө танилцууллаа

 

Элчин сайд Ли Ё Хун: “Сүүлийн үед Монгол, Солонгос Улсын хоорондын харилцаа бүхий л салбарт өргөжин хөгжиж байна. Хоёр улсын харилцаа цаашид улам өргөжихөд иргэд хоорондын харилцаа хамгийн чухал. Тэр дундаа хоёр улсын залуучууд харилцан суралцах нь чухал хэмээн үзэж оюутан солилцооны ажлыг хийж хэрэгжүүлж байгаа. Бидний зүгээс цаашид илүү олон оюутныг манай улсад суралцаасай гэж хүсэж байна. Манай улсад суралцаж ирсэн оюутнууд хоёр улсын цаашдын хөгжилд ихээхэн хувь нэмэр оруулах боловсон хүчин болно гэдэгт итгэлтэй байна" гэв.

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.