УОК-ын ээлжит хуралдаан өнөөдөр болно

2020 оны 10 сарын 26

УОК-ын ээлжит хуралдаан өнөөдөр 14:00 цагаас болохоор товлогджээ. Өнгөрсөн есдүгээр сард цар тахлыг дотооддоо алдаагүй учир сургууль, цэцэрлэг, үзвэр, үйлчилгээ, баар цэнгээний газрыг хэвийн горимоор нь ажиллуулж эхэлсэн.

Харин агаарын болон авто тээврийн, төмөр замын хилийн боомтуудын нэвтрэх хөдөлгөөнийг хязгаарлах хугацааг 2020 оны 10 дугаар сарын 31-нийг хүртэл үргэлжүүлэх шийдвэр гаргасан билээ.

Мөн Засаг, захиргаа нутаг дэвсгэрийн нэгж, төрийн болон нутгийн захиргааны байгууллага, хуулийн этгээдийг гамшгаас хамгаалах өндөржүүлсэн бэлэн байдлын зэрэгт шилжүүлсэн хугацааг аравдугаар сарын 31-ний өдрийг дуустал сунгасан юм.

Өнөөдөр болох УОК-ын хурлаар дээрх хугацааг сунгах эсэх, гадаадын улсаас иргэдээ татан авах 11 дүгээр сарын тусгай нислэгийн хуваарийг хэлэлцэх бололтой.

УОК-оос гаргасан саналыг Засгийн газрын хуралдаанаар хэлэлцэн баталгаажуулж, эцсийн шийдвэрийг гаргадаг журамтай.

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.