Бусдыг эрүүдэн шүүсэн гэх Б.Хурц нар маргааш давж заалдана

2020 оны 10 сарын 27

Улсын ерөнхий прокурорын орлогч асан Г.Эрдэнэбат, Тагнуулын ерөнхий газар (ТЕГ)-ын  дарга асан Б.Хурц нарт холбогдох Эрүүгийн хэргийн давж заалдах шатны шүүх хурал маргааш (2020.10. 28) 10.00 цагт Төв аймаг дахь Эрүүгийн хэргийн давж заалдах шатны шүүхэд болно.

Тэдэнд холбогдох давж заалдах шатны шүүх хурал аравдугаар сарын 13-ны өдөр товлогдсон ч  шүүгдэгчийн өмгөөлөгчийн шүүх хурал давхацсан гэх үндэслэлээр шүүх хуралдааныг энэ сарын 28-нд товлосон нь энэ юм. 

Улсын ерөнхий прокурорын орлогч асан Г.Эрдэнэбат, Б.Хурц тэргүүтэй зургаан хүнд С.Зоригийн амийг хөнөөсөн хэргээр ял авсан Т.Чимгээ Б.Содномдаржаа нарыг эрүүдэн шүүсэн хэрэгт буруутган, өнгөрсөн долдугаар сард Төв аймгийн сум дундын Эрүүгийн хэргийн анхан шатны шүүхээс Б.Хурц, Ж.Мөнхгал, С.Баяр, Г.Эрдэнэбат нарт гурван жилийн хорих ял оноож, ялыг нээлттэй хорих ангид эдлүүлэхээр болсон. Харин О.Бямбажав, Ү.Отгонбаяр нарт хоёр, ШШГЕГ-ын ажилтан Э.Өлзийбаярт нэг жилийн хорих ял тус тус оноож, мөрдөгч О.Бархасбадь, С.Эрдэнэбат нарыг цагаатгасан байдаг.

Сэтгэгдэл (2)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 10 сарын 27
202.21.104.2
зочин

Улс төрчдийн мөлжүүртэй яс Зоригийн хэргийг илрүүлж хэрэг хүлээлгэснийхээ төлөө яллагдсан гэж бодохоор хэлэх ч үг олдохгүй юм. Эдгээр хүмүүсийг ялласнаар хууль хүчний байгууллагын үйл ажиллагааг бүхэлд нь үгүйсгэсэн хэрэг болов болтой.. кк Хэн ажиллах, хэзээ шийтгэгдэхээ хүлээх л үлдлээ.

2020 оны 10 сарын 27
202.21.107.14
зочин

Хурцад давж заалдаад байх нэр нүүр байхгүй баймаарсан даа. Харин ч ДамирангийнЭнхбатыг хэлмэгдүүлсэн хэргээр нь ялын дээд хэмжээ өгөх хэрэгтэй. Дээр нь Содномдаржаа болон Чимгээ нарын хохирлыг барагдуулах үүднээс бүх хөрөнгийг нь хураан авч өгөх нь зүйд нийцнэ ээ