Нэр нь тодорсон Засаг, орлогч дарга нарын хэн нь хэн бэ? 

2020 оны 10 сарын 27

Нийслэлийн Засаг дарга, НИТХ-ын дарга нар  томилогдсоны араас үргэлжлүүлэн дүүргийн Засаг дарга, ДИТХ-ын дарга нарын  нэрс тодорч эхэллээ. Өчигдөр л гэхэд БГД-ийн МАН-ын хороо хуралдаж  дүүргийн Засаг даргаар Ө.Сумъяабаатар, Иргэдийн төлөөлөгчдийн хурлын даргаар Б.Сэмжидмаа нарыг томилсон бол нийслэлийн Засаг даргын  нэгдүгээр  орлогчоор Ж.Сандагсүрэн, Нийгмийн бодлогын асуудал хариуцсан   орлогчоор эрхзүйч мэргэжилтэй Н.Баярчимэг нарыг тус тус томиллоо. 

БГД-ийн хувьд сүүлийн 8 жил АН засагласны эцэст энэ  удаагийн сонгуулийн үр дүнгээр МАН олонх болсноор ийнхүү хүрд эргүүлэх боломж бүрдсэн. Харин Хотын  дарга Д.Сумъяабазарын удирдлагын багт ажиллах  орлогч, Засаг дарга   нар яалт ч үгүй түүний “ойрын хүрээний”  гэж тодорхойлж болох хүмүүс байна. 

Баянголд ялалтад чухал үүрэг гүйцэтгэсэн  Ө.Сумъяабаатар 

Төрийн ажлын  туршлагын хувьд дүүргийн Засаг дарга хийчих хэмжээний чадвар, боловсрол  Ө.Сумъяабаатарт бий.  Түүнийг 
БОЛОВСРОЛ:
•    1987-1997 онд Архангай аймгийн 3 дугаар сургууль /БҮРЭН ДУНД/
•    1997-2001 онд МУИС-ийн НУФ-ийг Улс төр судлаач /БАКАЛАВР/
•    2002-2004 онд ШУА-ийн ФСЭХ-ийн магистрант Улс төр судлал /МАГИСТР/
•    2004-2006 онд Удирдлагын академийн Төрийн удирдлагын сургуулийг Төрийн удирдлагын менежер
•    2008-2011 онд АНУ-ын Бриджпортын их сургуулийг Олон улсын харилцаа /МАГИСТР/
•    2018-2019 онд Удирдлагын академийн Бизнесийн сургуулийг Бизнесийн удирдлага /МАГИСТР/

АЖЛЫН ТУРШЛАГА:
•    2001-2004 онд ШУА-ийн Философи, социологийн хүрээлэнд эрдэм шинжилгээний ажилтан
•    2007-2008 онд Засгийн газрын хэрэг эрхлэх газарт ерөнхий сайдын туслах, шинжээч
•    2014-2016 онд БОНХАЖЯ, “Цэнгэг усны нөөц, байгаль хамгаалах төв” УТҮГ-т газрын дарга, захирал
•    2016-2019 онд “Эрдэнэс тавантолгой” ХК-д газрын захирал, зөвлөх


Б.Сэмжидмаа: Ялагдсан үед гал манасан “шагналаа” хүртлээ 

Энэ удаагийн  сонгуульд ялагдал хүлээсэн БГД-ийн МАН-ын хорооны дэд дарга Б.Сэмжидмаа  хоосон хоцорсонгүй,   НИТХ-ын дарга боллоо. Түүний хувьд БГД-т МАН ялагдал хүлээсэн он жилүүдэд намын хороонд очиж, өнөөдрийн ялалтад хүргэхэд чухал үүрэг гүйцэтгэсэн хүмүүсийн нэгээр нэрлэгдэж буй. Саяын сонгуульд ялагдал хүлээгээгүй бол Б.Сэмжидмааг  НИТХ-ын  даргаас ч илүү том албан  тушаал хүлээж байсан болов уу. 

Боловсрол: 

  • Монгол Улсын их сургуулийн Хууль зүйн сургуулийг эрх зүйч мэргэжлээр төгссөн
  • Эрин гээд орос сургуулийн хичээлийн эрхлэгч 
  • Баянгол дүүргийн МАН-ын дэргэдэх Ардчилсан социалист эмэгтэйчүүдийн  байгууллагын тэргүүлэгч 
  • 2013 оны 1-р сарын 15-нд Баянгол дүүргийн Намын хорооны дэд дарга 
  • 2018 оноос “Эрдэнэт” үйлдвэрийн  Улаанбаатар дахь төлөөлөгчийн газрын  захирлаар тус тус ажиллаж байсан.

Н.Баярчимэг Дүүргийн Засаг даргын орлогчоос Хотын даргын орлогч болж дэвшив 

Хотын даргын  Нийгмийн асуудал хариуцсан орлогчоор  томилогдсон Н.Баярчимэгийн хувьд боловсрол мэдлэг өндөр. Сонгинохайрхан дүүргийн Засаг даргын Төсөл хөтөлбөр, хөрөнгө оруулалт, хамтын  ажиллагаа хариуцсан орлогчоор ажиллаж  улстөрийн  гараагаа эхэлсэн. Өөрөөр хэлбэл Н.Баярчимэг Д.Сумъяабазарын “татаас”, Ж.Сандагсүрэнгийн нөлөөгөөр  НЗД-ын орлогчоор  очоод байна. Түүнийг мэдлэг боловсрол, ажлын туршлага өндөр гэж  үнэлдэг. 

Боловсрол: 

  • МУИС-ийн Хууль зүйн сургуулийг Эрхзүйч мэргэжлээр төгссөн. 
  • АНУ-ын Калифорни муж дахь Пэсифик Стэйтс Их Сургууль, Люксембургийн Хамтын Ажиллагааны Нийгэмлэг, Харвард, Кеннидигийн их сургууль зэрэгт төр, хувийн хэвшлийн түншлэл, төслийн санхүүжилт, хөрөнгө оруулалтын сан, кастодиан банк, азийн орнуудын аж үйлдвэрийн паркийн төлөвлөлт, бүтээн байгуулалт, менежмент чиглэлээр мэргэжил дээшлүүлсэн 
  • Хууль эрх зүй, олон улсын бизнесийн удирдлага, хөрөнгө оруулалтын чиглэлээр ажиллаж, томоохон хөрөнгө оруулалтын төслүүдийн удирдлагын багт ажиллаж байсан туршлагатай. 

Хотын даргын “баруун гар” Ж.Сандагсүрэн 

Нийслэлийн Засаг дарга болно гэх таамаглалд дээгүүрт бичигдэж байсан СХД-ийн Засаг  дарга асан Ж.Сандагсүрэн энэ удаа Хотын даргын баруун гар болж  ажиллах нь. Тэрээр 2020 оны УИХ, орон нутгийн сонгуульд намаа үнэмлэхүй ялалтад хүргэсэн гавьяатай, дээр нь Д.Сумъяабазар, Х.Нямбаатар нартай  ойлголцож, гар нийлж ажилладаг гэлцдэг. 

  • Ж.Сандагсүрэн нь 1986-1996 онд Ерөнхий боловсролын 73-р сургуулийг, МУИС-ийн ХҮДС-ийг 1997-2001 онд Математикч-Эдийн засагч мэргэжлээр, СЭЗДС-ийг 2003-2005 онд Бизнесийн удирдлагын Магистр зэрэгтэйгээр тус тус суралцан төгссөн.
  • 2001-2004 онд СХД-ийн ИТХ-ын Ажлын алба- Албаны дарга
  • 2005-2013 онд “Очир-Удраа” групп- Газрын захирал
  • 2013-2016 УИХ-ын Тамгын Газар- Гишүүний зөвлөх зэрэг албыг хашиж байсан бөгөөд 2012 оноос одоог хүртэл дүүргийн ИТХ-ын Тэргүүлэгч, төлөөлөгч 
  • 2016-2020 онд СХД-ийн Засаг даргаар томилогдон ажилласан. 

Ийнхүү  НЗД-ны орлогч, Дүүргийн засаг дарга нар, дүүргийн ИТХ-ын дарга нар тодорч  эхэллээ. Гэвч томилгоонд Д.Сумъяабазарын  гэгдэх хүмүүс хүч  түрэн орж ирж байгаад  ажил, албан тушаал горилогчид ихэд дургүйцэж байгаа гэх мэдээлэл бий. 

Т.Хэрлэн

Сэтгэгдэл (1)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 10 сарын 27
64.119.24.67
зочин

өндөр боловсролтой залуусын ажиллах цаг болсон хамгийн гол хоёргүй сэтгэлтэй байх л хэрэгтэй дээ