Хорт хавдартай хүмүүсийн ар гэрийн төлөөлөл ЭМЯ-нд шаардлага хүргүүллээ

2020 оны 10 сарын 27

Өнөөдөр буюу 27-ны өдөр Хорт хавдрын улмаас шаналж буй хүмүүсийн ар гэрийн төлөөлөл ЭМЯ-нд шаардлага хүргүүллээ.

Тодруулбал, Монголд эмчлэгдэх боломжгүй өвчний улмаас гадаад улсыг зорин эмчилгээ хийлгэж буй иргэдэд санхүүгийн асуудал түгээмэл тулгардаг. Ийм асуудал тулгарсан иргэд олон нийтийн сүлжээгээр ард иргэдэд хандан хандив цуглуулж, эмчилгээний төлбөрийнхөө тодорхой хувийг цуглуулсаар байгаа юм.

ЭМЯ-ны даатгалын сангаас эмчлэгдээд ирсэн иргэдэд тав хүртэлх сая төгрөгийн нөхөн олговрыг олгодог боловч энэ нь хаанаа ч хүрдэггүй байна. Иймд хорт хавдартай иргэдийн ар гэрийн төлөөлөл өнөөдөр ЭМЯ-нд уг шаардлагыг хүргүүлсэн байна.  

Дээрх асуудлын хүрээнд иргэн Т. Намуундарьяа: "Хүүхдийн минь амь нас цаг минутаар хэмжигдэж байна. Аав ээжүүд бид хэнд хандахаа мэдэхгүй байна. Эрүүл мэндийн яаманд хандах ёстой юу, Ерөнхий сайдад хандах уу, хэнээр дамжуулбал төрийн түшээд бидний хүсэлтийг хурдан хүлээж авах вэ?

Гадаадад эмчлүүлээд ирсний дараа улсаас 5 сая хүртэлх төгрөгийг авдаг. Гэтэл тэр 1 сая, 3 сая төгрөг гадаадад нэг шинжилгээ хийлгэх төлбөрт ч хүрдэггүй. Гэлээ гээд би Монгол Улс надад өгөх ёстой гэж хандаагүй юм шүү. Иргэн хүний хувьд би хэнд хандах ёстой вэ, бид эмчилгээ хийлгээд гарсан зардлаа эргээд улсдаа төлдөг зохицуулалт байж болох уу?" гэсэн юм.

Сэтгэгдэл (3)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2020 оны 10 сарын 29
64.119.24.67
зочин

төрөөс оюутан нарт зээл олгож болоод байгаа юм чинь хүнд өвчтэй хүмүүст хүүгүй зээл олгох арга хэмжээг авах л хэрэгтэй дээ манай монголчууд цөөхөн хүмүүс тул бие бинээ хайрлах л хэрэгтэй хятад орос хоёр шиг алийгаа алдсан олон хүн биш шүү

2020 оны 10 сарын 28
122.201.26.168
зочин

Яаралтай хэрэгцээний үед нь улсаас хүүгүй зээлүүлээд буцаагаад төлж болдог болчихвол гадаадад эмчлүүлэх шаардлагатай үед хэрэгтэй л юм даа.

2020 оны 10 сарын 28
202.21.104.2
Зэндмэнэ

Эдгэшгүй хүнд өвчтэй хүмүүст хэрэглэдэг онцгой эмийг төр хариуцах ёстой. Эмийн нийлүүлэлтэнд төрийн оролцоо яг энэ хэсэг дээр байх ёстой. Төр ард түмнийхээ өмнөөс эм үйлдвэрлэгчидтэй тохиролцож хямд үнээр олж ирээч дээ! Энэ төр засагт удирдлага гэж байна уу? ЭМЯ, энэ олон дарга нар ер нь юуугаа хийж байдаг байна аа? Монголд ядуурал үүсгэж байгаа гол шатгаан нь өвчин зовлон шүү! Хайртай дотны 1 хүн өвдөхөд ах дүүсээрээ хамаг байдгаа бараад гуйлгачин болж байна.