ОХУ-д Хэллоуины баярын оронд “Орос үлгэрийн баяр” тэмдэглэх санаачилга гарчээ

ОХУ-д Хэллоуины баярыг Орос үлгэрийн баяр болгож тэмдэглэх санаачилга гарчээ. Тодруулбал, гаднын баярыг тэмдэглэх зарчим нь хэвээрээ ч дүр хувиргалт тал дээр эмгэн шулмас, үхдэггүй Кащей зэрэг ардын үлгэрийнхээ баатруудыг сонгох юм байна.

ОХУ-ын Иргэний танхимын Нарийн бичгийн даргын орлогч Владислав Гриб энэ санаачилгыг гаргажээ. Тэрбээр энэхүү формат нь хүүхдүүдэд үндэсний соёлоо сурталчилж, хадгалж үлдэхэд тустай хэмээн үндэслэлээ танилцуулсан байна.