Мэдээ13 цаг 11 минутын өмнө
Мэдээ13 цаг 11 минутын өмнө
Шадар сайд Т.Доржхандаас цаг үеийн асуудлаар тодрууллаа.
Тэрбээр, “ХҮН нам Ерөнхийлөгчөө захиалъя гэдэг аяныг 2021 онд хийж байсан. Ерөнхийлөгч гэдэг албан тушаалтан чинь хэн нэгэн намын төлөөлөл байх ёсгүй. Нам бус хүн байдаг. Нэг намын дотоод хагарлаас болоод Монгол Улсын хоёр Ерөнхий сайд огцорч, Их хурлын дарга солигдлоо. Энэ нь бүр дээшээ явсаар байгаад Ерөнхийлөгч нь огцордог зүй тогтол руу орчихсон байна. Энэ бол маш харамсалтай зүйл.
Эдийн засаг тогтвортой байвал иргэдийн амьдрал дээшилнэ. Бид энэ үүргээ гүйцэтгэж чадахгүй байна. УИХ-аасаа Ерөнхийлөгчийг сонгох нь зүйтэй. Тэгж байж сонгодог парламентын загвар руу орно. Монгол Улсын Ерөнхийлөгч маань олон намын төлөөлөл бүрдсэн, парламентын олонхиос сонгогдоно гэсэн үг. Олонхиос сонгогдсон сонгогдсон тохиолдолд нэг намын Ерөнхийлөгч байх боломжгүй байхгүй юу. Тэгэхээр бид энэ засаглалаа дахин эргэж харж, дутуу зүйлээ хийхгүй бол энэ чөтгөрийнхөө гацаанаас гарахгүй юм байна.
Монгол Улс хөгжихийн тулд тогтвортой байх хэрэгтэй. Хувь хүн, намын асуудлаа хажуу тийш тавьчих. Бид 2027 онд ч гэсэн 2021 онд хэрэгжүүлж байсан аянтайгаа адилхан байр суурьтай байна.
Монгол Улсын эрх ашгийг хамгаалж чадах, өндөр ёс зүйтэй, худлаа ярьдаггүй, хулгай хийдэггүй, хэлтэй, улсаа бүрэн төлөөлж чадах ийм хүнийг сонгох систем рүүгээ орохгүй бол болохгүй. Намын зодоон нь парламент руугаа орж, Ерөнхийлөгчөө огцруулдаг маш буруу жишиг тогтож байна. Үүнийг засах ёстой.
Ямар нэгэн хулгайч гарч ирэх, популизм хийх, эх орондоо хайртай гэдэг дүрээр гарч ирчихээд эх орныхоо эдийн засгийг унагадаг, тухайлбал өргөн нарийн төмөр замын хэрүүл хийж байгаад өөртөө мөнгө хийгээд явчихдаг иймэрхүү Ерөнхийлөгчийг огт дэвшүүлж болохгүй. Хэрэв зээ тэгсэн тохиолдолд ХҮН нам тэр хүний эсрэг ажиллана.
Хүн хоорондын хэрүүл хийгээд явж болохгүй ээ. Үүнийг зогсоох хэрэгтэй. Би дөрвөн жилийн хугацаанд бүх л хулгайг ил болгосон. Гэвч хэлэлцэгдэхгүй, шийдвэрлэгдэхгүй байгаа нь тогтолцооны асуудал. Тогтолцоогоо өөрчлөхгүй хувь хүн рүү яваад байх юм бол зовлон дуусахгүй” гэлээ.
АНХААРУУЛГА: Уншигчдын бичсэн сэтгэгдэлд Zuv.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

November 19, 2026

November 19, 2026

November 19, 2026

November 19, 2026