Сэтгүүлч Л.Баяржаргалыг нэг сар хорихоор шийдвэрлэлээ

Нэгүүн.мн сайтын эрхлэгч Л.Баяржаргалд цагдан хорих таслан сэргийлэх арга хэмжээ авах тухай прокурорын саналыг шүүхээс дахин хэлэлцэж, нэг сар хорихоор шийдвэрлэжээ.

Л.Баяржаргал "Нэг сэтгүүлчийг цагдан хорьж, шалгая гэж зургаан удаа санал оруулж ирж байгаа нь эрх зүйн үндэслэлгүй. Цагдаагийн байгууллагаас хэргийг нотолж чадахгүй байгаа атлаа ахин дахин хорих санал оруулж байгаа нь хууль бус үйлдэл" гэв.

Эл асуудалтай холбоотойгоор хууль хяналтын байгууллагуудаас албан ёсны дэлгэрэнгүй тайлбар өгөөгүй байна.