Ромын папын хорт хавдрын онош батлагджээ

Католик шашинтнуудын тэргүүн, Ромын пап лам XIV Левийн оношийг эмч нар эцэслэн гаргажээ. Эмч нар түүний баруун уушгинд ургацаг байгааг илрүүлж энэ сарын 13-ны өдөр Ромын Жемелли эмнэлэгт баруун уушгины доод дэлбэнг авах 90 минутын мэс засал хийсэн. Мэс засал амжилттай болсон ч хагалгааны үеэр авсан эдэд шинжилгээ хийхэд уушгины аденокарцинома буюу булчирхайлаг эдийн хорт хавдартай болох нь тогтоогдсон байна.

71 настай Ромын Пап лам энэ сарын 13-нд мэс засалд орж, 17-нд эмнэлгээс гарсан. Тэрбээр тэр даруйдаа үүрэгт ажилдаа эргэн орсон бөгөөд энэ сарын 19-нд Украины Ерөнхийлөгч Владимир Зеленскийтэй утсаар ярьж, Херсон мужийн Олешки хотод үүсээд буй хүмүүнлэгийн гамшгийн талаар ярилцсан юм.