Ж.Бямбасүрэн: Нөмрөгийн ДЦГ-руу нэвтрэх зөвшөөрлийг хилийн 0198-р ангийн захирагч олгосон

Хил хамгаалах ерөнхий газрын дарга Ж.Бямбасүрэнгээс Нөмрөгийн дархан цаазат газарт гарсан гал түймэртэй холбоотой асуудлаар тайлбар мэдээлэл авлаа.

Тэрбээр, "Нөмрөгийн дархан цаазат газарт зөвшөөрөлтэй явж байсан иргэд өөрслийн санамсар болгоомжгүй байдлаас болж гал алдсан харамсалтай явдал гарсан. Хохирлын хэмжээг тогтоохын тулд хууль хянатлын байгууллагатай хамтран ажиллаж байна.

Дархан цаазтай газар олон тооны дархлагдсан амьтад байдаг. Нөмрөгийн дархан цаазат газар руу нэвтрэх зөвшөөрлийг хилийн 0198-р ангийн захирагч олгосон. Аравдугаар сарын 06-ны өдөр аялал жуулчлалын чиглэлээр зөвшөөрөл нь олгогдсон. Зөвшөөрлийн хүрээнд ан агнуур хийсэн гэдэг нь худал мэдээлэл.

Боомтын захиргаа бол зөвшөөрөл олгодоггүй байгууллага. Хилийн тухай хуульд зааснаар хилийн бүс зурваст нэвтрэх зөвшөөрлийг хил хамгаалах байгууллага олгодог" гэлээ.